Bëhet kategorizimi i pjesëmarrësve në luftën e UÇK-së

Ish komandanti i Zonës Operative të Pashtrikut dhe anëtari i Komisionit Qeveritar për njohjen dhe verifikimin e statusit të dëshmorit, invalidit dhe veteranit të UÇK-së, Sadik Halitjaha, ka deklaruar se zyra ligjore ka përgatitur formularin për përcaktimin e kritereve të veteranit të luftës së UÇK-së, i cili do të quhet “Luftëtar i Lirisë”.

Halitjaha, i cili është edhe anëtar i kryesisë së Zyrës Ligjore ka thënë për Kosovapress se po bëjnë përpjekje që së shpejtim të procedojnë në Kuvendin e Kosovës një projektligj, i cili parasheh që veterani i luftës të quhet “Luftëtar i Lirisë”.

Sipas tij, kategorizimi i luftëtarëve të lirisë të bëhet me këto kritere, Luftëtar i Lirisë, Pjesëtar i Luftës, Ushtar i Mobilizuar i luftës dhe Kontributdhënës i luftës.

“Ky mbase është një status meritor i kategorive të dala nga lufta. Kisha apeluar që mediat të trajtojnë me konsideratë këtë çështje të ndjeshme në mënyrë që mos prekim emocionet e familjareve. Për ne ky kontribut është tejet i respektuar dhe ngadalë, por sigurt po e gjen vendin e duhur dhe meritor, sepse kjo është pjesa e historisë sonë të lavdishme që ka ndodhur në vitet 1997-1999”, ka thënë Halitjaha.

Kohë më parë statusi për familjet e dëshmorëve dhe invalidëve të UÇK-së është i rregulluar me ligj për këto dy kategori të dala nga Lufta Çlirimtare. /Kosovapress/