Bëhen vlerësimet e tokës në fushën e futbollit në Gjilan

Gjilan – Për futbollin e qytetit në Gjilan që nga sot fillon etapa e ndërtimit të stadiumit në Gjilan, lajm i pritur tani e një kohë të gjatë nga futbolldashësit Gjilanas.

Në koordinim me Komunën e Gjilanit dhe Ministrisë së Sporteve, stadiumi i qytetit në Gjilan pritet të fillon të ndërtohet në fillim të muajit prill.

Sot në stadiumin e qytetit në Gjilan makineritë të cilat bëjnë vlerësimin e tokës se sa është e fortë kanë filluar testin e çdo pjese të fushës.

Kompania Unikos Projekt nga Prishtina, e cila do t`i kryen punimet gjatë tërë javës pritet të vlerësoj se sa është toka në stadium e fortë.

Inxhinieri Isuf Syla i cili përcjell çdo punim të vlerësimit të tokës lidhur me fillimet e punës theksoi.
“Që nga sot kemi filluar punimet në çdo pjesë të fushës do të bëjmë vlerësimin dhe shqyrtimin e tokës, do të bëjmë 13-të shpurje të tokës gjerë në 10 metra, të gjitha punimet do t`i përfundojmë brenda 5-6 ditëve ndërsa pas 14 ditëve do të jepen rezultatet nga laboratori në bazë mostrave të cilat i nxjerrim nga toka, por në bazë të asaj çka mund të vërehet në fillim kemi të bëjmë më një tokë mesatare.

Koordinatori i sporteve në Komunën e Gjilanit Malazog Hoxha lidhur me fillimin e punimeve në stadium ishte mjaft i emocionuar.

“Po bëjmë një hap historik për gjeneratat e ardhshme, punimet do të fillojnë nga muaji Prill, na kanë mbetur edhe pak detaje të vogla dhe gjithçka do të jetë sipas projektit të cilin e kemi paraparë”, thekson Hoxha./rajonipress/