RCCOLA

Begaj i jep Kurtit përkrahje për veriun: Shqipëria do të jetë gjithmonë në krah të Kosovës

/ 1 minutë lexim

Presidenti i Republikës së Shqipërisë, Bajram Begaj, ka vizituar sot Kosovën dhe është pritur në objektin e Qeverisë nga kryeministri i Kosovës, Albin Kurti.

Begaj ka thënë se në takim është biseduar për sfidat e sigurisë në të dy shtetet, ndërsa theks i veçantë është vënë mbi situatën në veri të Kosovës.

“Gjatë qëndrimit në Kosovë zhvillova një takim me kryeministrin e Republikës së Kosovës, z. Albin Kurti, me të cilin biseduam për sfidat e sigurisë për dy shtetet tona, veçanërisht në Veriun e Kosovës”, shkruan Begaj në një status në Facebook.

Mobi Casa

Tutje thuhet se Shqipëria do të jetë gjithmonë në krah të Kosovës dhe se sovraniteti dhe integriteti territorial janë të pacenueshme.

“Ritheksova qëndrimin se sovraniteti dhe integriteti territorial i Kosovës janë të pacënueshme. Shqipëria do të jetë gjithmonë në krah të Kosovës”, përfundon ai. /Gazeta Express/