Befason Memushaj: Kjo skuadër e Series A e bën futbollin më të bukur në botë

Ledian Memushaj ka debutuar të dielën në darke në radhët e Beneventos, duke treguar se është përshtatur shumë shpejt me lojën e skuadrës së tij të re.

Mesfushori ishte ndër më të rrezikshmit ndaj Torinos dhe ndonëse skuadra e tij u mund nga një gol në shtesë, ai mori vlerësime shumë pozitive në Itali.

Për Beneventon, kjo ishte humbja e tretë në po aq ndeshje të luajtura dhe sfida e katërt në kampionat në fundjavë, nuk do të jetë edhe aq e thjeshtë, pasi përballë është Napoli i Elseid Hysajt, një skuadër të cilën Memushaj e vlerëson maksimalisht.

“Jemi të ndërgjegjshëm që do të shkojmë të luajmë kundër një skuadër që luan futbollin më të bukur në Itali, në Europë dhe ndoshta në të gjithë botën, të paktën sipas mendimit tim. Duhet të shkojmë atje me ndërgjegjësimin se mund të luajmë shanset tona. Duam ta sigurojë mbijetesën ‘tullë pas tulle’”, deklaroi Memushaj