Beckenbauer: Shaqiri, i lirë të largohet

Presidenti i nderit në Bayern Munich, Franz Beckenbuer ka pranuar se mesfushori kosovar Xherdan Shaqiri, mund të largohet nga Allianz Arena, pas rihapjes së afatit kalimtar të janarit.

Shaqiri nuk është duke zënë vend në ekipin e parë të Pep Guardiolës dhe pritet të largohet gjatë janarit.

“Bayern i ka dhënë disa sinjale djaloshit, ai mund të largohet nga Bayern Munich gjatë afatit kalimtar të janarit”, deklaroi Beckenbauer për “Sky”.

“Personalisht dua të kemi futbollistë që dëshirojnë të jenë këtu me ne, nëse ka të atillë që mendojnë ndryshe, është e drejtë që të shkojnë në një klub tjetër”, u shpreh ai.