Bebe Rexha performon në “American Idol”

Bebe Rexha është këngëtarja shqiptare e cila ka arritur famë ndërkombëtare.

Ajo është shumë aktive me koncerte në vende të ndryshme të botës, ku mblidhet numër i madh i fansave të saj, shkruan lajmi.net.

Së fundi, këngëtarja ka dhënë lajmin që është ftuar të performojë në dy netët finale të spektaklit “American Idol”.

Lajmin e ka bërë të ditur përmes rrjeteve sociale, ku i ftoi fansat e saj të mos e humbasin performancën e saj.

Dy netët finale të këtij spektakli mbahen të dielën (20 maj) dhe të hënën (21 maj), ndërsa Bebe Rexha do të këndojë live.

Kujtojmë që projekti i fundit nga Bebe Rexha është “Girls”, këngë kjo në duet me Rita Orën, Cardi B dhe Charli XCX. /Lajmi.net/