Bebe Rexha në histori me “Meant to Be”

Këngëtarja shqiptare arriti të dalë në pozitën e parë të top-listës së zhanrit Country me këngën “Meant to Be”.

Bebe Rexha ka hyrë në histori të top-listës prestigjioze amerikane “Billboard”.

Këngëtarja shqiptare arriti të dalë në pozitën e parë të top-listës së zhanrit Country me këngën “Meant to Be” të cilën e solli në bashkëpunim me grupin Florida Georgia Line.

Ajo bëhet me këtë rast këngëtarja e parë femër që debuton në top pozitë me zhanrin e tillë, transmeton Albinfo.ch.

“Sapo kuptova që zyrtarisht jam femra e parë në histori të zhanrit Country që debutoj në pozitën e parë të top-listës Country në Billboard. Kjo ishte e papritur. Falënderuese”, ka shkruar me këtë rast këngëtarja në rrjete sociale.

Rexha po ashtu po shijon ngritje me hitin e fundit edhe në listat e përgjithshme duke hyrë në top 40 këngët më të dëgjuara të javës.

Bebe Rexha në histori me “Meant to Be”

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).