Bebe Rexha “kall” diskotekat me remixin e ri

Pas realizimit të hiteve të mëdha për artistë tjerë, Bebe Rexha ka vendosur të pushtojë top-listat botërore me singlin e saj debutues “I Can’t Stop Drinking About You”.

Kënga e zhanrit electro-pop është pritur ngrohtësisht në mbarë botën dhe vazhdimisht është duke u ngjitur në majat e iTunes. Gjithashtu, kënga po bëhet dita-ditës hit edhe nëpër diskoteka duke iu falënderuar një remixi të punuar nga “The Chainsmokers”.

Dyshja nga New York City, artistja Bebe Rexha me prejardhje shqiptare dhe The Chainsmokers, ia kanë qëlluar ritmit për një tingull të përkryer për klube.

Për të mos e zgjatur, ju ftojmë ta dëgjoni hitin e remixuar të Bebes i cili, sikurse edhe versioni origjinal i këngës, pritet që shumë shpejtë t’i pushtojë top-listat botërore.