Bebe Rexha: Janari ishte një ‘vit’ i vështirë, por ia dolëm

Këngëtarja shqiptare me famë botërore, Bebe Rexha, di gjithmonë si të rrëmbejë vëmendjen me statuset e saj në rrjetin social Twitter.

Së fundmi, artistja me prejardhje nga Dibra i është përshtatur trendit botëror për ankesa ndaj janarit, që për shumë kë cilësohet si “muaji më i gjatë i vitit”, ani pse është i njëjtë me pesë muaj të tjerë.

Ky përcaktim vjen për faktin se njerëzit në këtë muaj bëjnë shumë shpenzime pas festave dhe si rrjedhojë presin fundin e muajit për të marr pagën e re.

Kjo gjë mesa duket i ka ndodhur edhe artistes së famshme, ose të paktën edhe ajo ka vendosur të ironizojë me një gjë të tillë.

“Janari ishte një vit i vështirë, por ia dolëm”, shkroi Rexha në Twitter, teksa pranoi komente të shumta satirike nga fansat.

Këngëtarja përndryshe bëri të ditur se është në përgatitje e sipër të projekteve muzikore, të cilat pret që t’i lansojë së shpejti të përfshira në një album. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).