Beaumont: Siguroni universitete me autonomi dhe pa ndikime politike

Për të nxjerrë kuadro cilësore, institucionet e arsimit të lartë në Kosovë duhet të bëjnë reforma, që nga ora e ligjërimit apo sendërtimi i një marrëdhënieje të shëndoshë profesor-student, e deri tek pavarësimi i këtyre institucioneve nga ndikimet politike, është thënë të martën gjatë një seminari me temën
“Roli i studentëve në procesin e avancimit të arsimit të lartë në Kosovë, si dhe mundësitë e reja për studentë nëpërmjet programit Erasmus+”, të organizuar nga Zyra Nacionale e Erasmus+ (plus), në bashkëpunim me Zyrën e Bashkimit Evropian në Kosovë dhe Ministrinë e Arsimit, të Shkencës dhe të Teknologjisë (MASHT).

Përfaqësuesja e Zyrës së BE-së në Kosovë, Sophie Beaumont, ka folur për rëndësinë e madhe që luan për një shtet pavarësia e institucioneve të arsimit të lartë nga ndikimet politike.

Ajo ka thënë se është shumë e rëndësishme që të ruhet autonomia dhe pavarësia e institucioneve të larta arsimore në Kosovë, duke siguruar një ambient objektiv dhe pa ndikime politike./Koha.net/.