BE s’është gati për MSA-në

Ministri i Integrimit Evropian, Bekim Çollaku, ka deklaruar të mërkurën se Kosova është gati që ta nënshkruajë MSA-në, por BE-ja ende nuk është gati. Këto komente Çollaku i bëri pas takimit që ka zhvilluar me drejtorin për Ballkanin Perëndimor në BE, Jean Eric Paquet.

Ndërsa, ky i fundit ka deklaruar se ende nuk e di datën e saktë se kur do të nënshkruhet MSA-ja, por dha shpresë së kjo mund të bëhet rreth verës.

“Do doja t’i kisha mundësitë që të jepja datën e saktë në këtë pasdite. Formula që unë e përdor diku rreth verës, besoj që ende mund ta përdor këtë formulë. Do të jetë valide që nga viti i ardhshëm, ndërsa përfitimet do të vijnë nga fillimi i vitit 2016”, ka deklaruar Paquet.

Ai ka nënvizuar se nuk është që në Kosovë është bërë punë sa i përket sundimit të ligjit, luftës kundër krimit të organizuar, korrupsionit, por ky është një kapitull kyç i agjendës shtetformuese të Kosovës dhe në kontekstin e BE-së dhe në përgjithësi zhvillimin e vendit./zeri/