BE: Procedurat gjyqësore nisin më 2016

Bashkimi Evropian është vënë në lëvizje për t’i përmbushur detyrat që kërkohen nga ai për ta funksionalizuar Gjykatën Speciale, shkruan sot Koha Ditore.

Pasi Kuvendi i Kosovës miratoi ndryshimet e nevojshme kushtetuese dhe ligjore, Brukseli synon që të gjithë hapat që kërkohen prej tij t’i kompletojë deri në fillim të vitit 2016.

Është paralajmëruar se menjëherë mund të ngrihen aktakuzat e para të udhëhequra nga prokurori i Task Forcës Speciale Hetuese të Bashkimit Evropian- SITF, David Schwendiman.

Përfaqësues të Zyrës së BE-së në Prishtinë kanë treguar për gazetën veprimet që do të pasojnë gjatë ditëve në vijim.

“Në këtë fazë, hapat e ardhshëm përfshijnë finalizimin e Marrëveshjes me shtetin mikpritës dhe negociatat për lokacionin dhe objektet. Kjo do të pasohet me zgjedhjen e gjyqtarëve dhe rekrutimin e stafit të Dhomave të Specializuara dhe Zyrës së Prokurorit të Specializuar”, thuhet në përgjigjen e BE-së.

Ata kanë treguar edhe periudhën kur gjykata do të jetë funksionale.

http://koha.net/?id=27&l=69515