BE jo ndërhyrje, rekomandime për tejkalimin e ngërçit politik

Shefi i Zyrës së BE-së, Samuel Zhbogar ka deklaruar se faktori ndërkombëtar nuk do të ndërhyjë për zgjidhjen e ngërçit politik, por ka thënë se do të japin rekomandime që sa me shpejtë të tejkalohet kjo situatë.

Zgjedhjet e mundshme, sipas tij, janë opsioni i fundit.
Ai i bëri këto komente gjatë përurimit të rrugës së rinovuar, e cila shpie deri te Manastiri i Deviçit të Skenderajt, ku morën pjesë përfaqësuesit e Komunës dhe peshkopi Teodosije.