BE-ja të angazhohet më shumë në dialog

Ministrja për dialogun, Edita Tahiri ka paralajmëruar se shumë shpejt do të fillojë zbatimi i marrëveshjes për drejtësi.Duke pasur parasysh përvojën e kaluar me palën serbe, Tahiri ka kërkuar nga Bashkimi Evropian angazhime shtesë, në mënyrë që të mos ndodhin zvarritjet në procesin e implementimit të marrëveshjes.

Ajo në një prononcim për Epokën e Re, ka thënë se pa zbatimin e plotë efektiv të të gjitha marrëveshjeve nuk ka ndonjë kuptim të vazhdohet me tema të reja për procesin e dialogut në mes të Kosovës dhe Serbisë.