Fundamenti

BE-ja nuk pritet t’i kërkojë menjëherë Serbisë njohjen e Kosovës, Wesslau: Dialogu duhet të rikthehet

BE-ja nuk pritet t’i kërkojë menjëherë Serbisë njohjen e Kosovës, Wesslau: Dialogu duhet të rikthehet

Reformat në sundimin e ligjit, lufta kundër korrupsionit dhe përmirësimi i lirisë së medias do të jenë prioritetet kryesore të Bashkimit Evropian ndaj qeverisë së re të Serbisë, ndërsa në një fazë të mëvonshme Beogradi do të duhet të rikthehet edhe te dialogu me Kosovën dhe të dëshmojë qasje konstruktive, ka paralajmëruar Frederic Wesslau, bashkëpunëtor i lartë për politika në Këshillin Evropian për Marrëdhëniet me Jashtë ECFR.

Në një intervistë për Radio Evropa e Lirë (REL), Wesslau ka thënë se fitorja e Listës Studentore në zgjedhjet parlamentare në Serbi përbën një moment historik dhe një mundësi për ndryshimin e kursit të vendit, pas 14 vjetësh të qeverisjes së Partisë Përparimtare Serbe (SNS).

Megjithatë, ai ka theksuar se sfida e vërtetë për shumicën e re nuk është vetëm marrja e pushtetit, por përmbushja e premtimeve dhe zbatimi i reformave që pret shoqëria serbe.

Fundamenti

Sipas Wesslaut, Brukseli do t’i japë kohë shumicës së re që të konsolidohet dhe të formojë institucionet, por pret që qeveria e ardhshme të ndërmarrë hapa konkretë në forcimin e sundimit të ligjit, luftimin e korrupsionit dhe reformimin e sektorit të sigurisë.

Ai ka vlerësuar se këto fusha përbëjnë një pikë të përbashkët mes Listës Studentore dhe Bashkimit Evropian, duke shtuar se Brukseli është i gatshëm t’i ofrojë mbështetje qeverisë së re për zbatimin e tyre.

Sa i përket politikës së jashtme, Wesslau nuk pret që BE-ja t’i bëjë menjëherë presion qeverisë së re serbe për vendosjen e sanksioneve ndaj Rusisë apo për njohjen e Kosovës.

Megjithatë, ai ka rikujtuar se këto çështje mbeten të rëndësishme për Brukselin dhe shumë prej shteteve anëtare të BE-së.

Duke folur për marrëdhëniet ndërmjet Kosovës dhe Serbisë, Wesslau ka thënë se qeveria e re në Beograd duhet të përfshihet në mënyrë konstruktive në procesin e ndërmjetësuar nga Bashkimi Evropian.

Ai ka paralajmëruar se, pavarësisht se Brukseli nuk pritet të kërkojë rezultate të menjëhershme për Kosovën, në një fazë të mëvonshme do të jetë e domosdoshme ringjallja e dialogut dhe një qasje konstruktive nga të dyja palët.

“Shpresoj që në një moment të arrihet një zgjidhje që do t’u shërbente interesave të Serbisë dhe Kosovës, si dhe të gjithë rajonit”, ka deklaruar ai.

Wesslau ka shprehur gjithashtu shpresën se ndryshimi i pushtetit në Serbi mund të ndikojë pozitivisht edhe në marrëdhëniet ndërmjet Beogradit dhe Sarajevës, duke theksuar se një zhvillim i tillë do të kontribuonte në stabilitetin rajonal.

Ai ka qenë këshilltar i ish-shefit të Misionit të Kombeve të Bashkuara në Kosovë (UNMIK), Joachim Rücker.

Privatësia

Faqja jonë e internetit përdorë cookies. Ato janë skedar të vegjël që ndërveprojnë me pajisjen tuaj dhe kjo bëhet në mënyrë që ne t'ju ofrojmë përvojën më të mirë të mundshme gjatë përdorimit të faqes sonë.

Për të u informuar rreth politikave tona të privatësisë, ju lutem vizitoni faqen privatësia.

Cookiet e domosdoshëm

Cookiet e nevojshëm duhet të aktivizohet në çdo kohë në mënyrë që ne të mund të ruajmë preferencat tuaja për preferencat e cookies.

Cookies të palëve të treta

Kjo faqe interneti përdorë Google Analytics për të mbledhur informacione anonime si numri i vizitorëve në sajt dhe shfletimi i faqeve.

Mbajtja e aktivizuar e këtij cookie, na ndihmon neve të përmirësojmë faqen tonë në internet.