BE-ja kërkon forcimin e kontrolleve kufitare dhe hetimin e kompanive të autobusëve

Kosovarët të vetëm ua kanë kaluar sirianëve dhe afganëve bashkë, sa i përket numrit të atyre që kanë hyrë ilegalisht në vendet e Bashkimit Evropian. Këtë e kanë konfirmuar për gazetën “Koha Ditore”, zyrtarë nga Brukseli të cilët thonë se ka rritje enorme të kalimeve ilegale të kufirit.

“Në dhjetor të vitit të kaluar, qytetarët e Kosovës përbënin 40 për qind të kalimeve kufitare në kufijtë e jashtëm të BE-së, duke ua kaluar në numër afganëve dhe sirianëve”, ka thënë Maja Kocijançiq, zëdhënëse e shefes për politikë të jashtme të BE-së, Federica Mogherini, shkruan sot “Koha Ditore”.

Kur është fjala për kërkesat e azilit, numri më i madh është në Gjermani dhe Hungari.