BE-ja do parandalim të korrupsionit
Miratimi i strategjisë kundër korrupsionit dhe ndjekja e gjashtë rasteve të ndryshme brenda një viti nuk e kanë bindur Bashkimin Evropian se në Kosovë po bëhet luftë kundër korrupsionit.
Në Raportin e progresit të Komisionit Evropian që pritet të publikohet javën e ardhshme, BE-ja vlerëson miratimin e ligjeve të kërkuara nga raporti i studimit të fizibilitetit që qe publikuar vitin e kaluar por kërkon që institucionet dhe mekanizmat e ndryshme në luftën kundër korrupsionit të kenë koordinimin më të mirë. Pos tjerash, kërkon që në Kosovë të ndërmerren masa edhe të parandalimit të korrupsionit dhe konfliktit të interesit.
Zëvendëskryeministri i Kosovës Hajredin Kuçi nuk ka dashur që të dielën të komentojë të gjeturat e raportit, derisa ai nuk është bërë publik. Megjithatë sipas tij, punët që kërkohen nga ai edhe si ministër i drejtësisë janë kryer…(Tribuna).