BE-ja dhe SHBA-ja duhet ta ndryshojnë qasjen e vet ndaj Kosovës

Një kritikë e ashpër e politikës së Bashkimit Evropian dhe Shteteve të Bashkuara të Amerikës të këmbimit të demokracisë me zgjidhjen e mosmarrëveshjeve rreth statusit të Kosovës mes Kosovës dhe Serbisë i bëhet në analizën politike “Zhbërja e progresit?”, të publikuar të enjten nga Këshilli për Politika të Demokratizimit (Democratization Policy Council – DPC), një organizatë me seli në Washington, shkruan sot Koha Ditore.

Në analizë, që për autor ka analistin gjerman, Bodo Weber, një njohës i mirë i zhvillimeve në Kosovë dhe Ballkan, konstatohet se BE-ja dhe SHBA-ja, prej vjeshtës së vitit 2014, kur kanë ndërhyrë në krijimin e Qeverisë PDK-LDK, i kanë shkaktuar dëm demokracisë së brishtë kosovare, me synimin e arritjes së përparimit në procesin e dialogut në Bruksel.

Pasi jep një kronologji të zhvillimeve politike në disa vitet e fundit në Kosovë, rolit të bashkësisë ndërkombëtare si dhe pasojave për vendin, analiza jep një listë rekomandimesh për BE-në, SHBA-në, Gjermaninë dhe Britaninë e Madhe, të cilat thuhet se duhet të bëjnë një sërë ndryshimesh në politikat e tyre në raport me Kosovën, me qëllim që të parandalohet përshkallëzimi i mëtutjeshëm i situatës dhe të forcohen demokracia e sundimi i ligjit në Kosovë

http://koha.net/?id=27&l=84012