BE i kërkon Serbisë të përmirësojë raportet me Prishtinën

Bashkimi Europian, e ka inkurajuar Serbinë që të rritë reformat kyçe në fusha si drejtësia, lufta kundër korrupsionit dhe krimi i organizuar, liria e shprehjes së mendimeve dhe po ashtu, normalizimi i raporteve me Prishtinën.

Në një raport të lëshuar të hënën për prioritetet e politikës së jashtme të BE-së për vitin 2016, Federica Mogherini shefja për politikë të jashtme, ka thënë se Serbia pritet të jetë pjesë e fokusit të procesit të negociatave mbi çështjet e sundimit të ligji, shkruan Tanjug, transmeton Klan Kosova.

Në raport po ashtu, thotë se Serbia në korrik të këtij viti ka hapur kapitujt negociues 23 dhe 24, që kanë të bëjnë me administrimin e shtetit të së drejtës.