I plagosuri është gjetur të enjten rreth orës 11:45 në autobusin e linjës 30 të Transportit Publik të Bazelit (BVB)
Pasi një 47-vjeçar është gjetur i plagosur rëndë, me plagë të shumta me thikë, në një autobus në Basel, është arrestuar një i dyshuar.
Viktima tani është jashtë rrezikut për jetën, raporton agjencia e lajmeve SDA.
I plagosuri është gjetur të enjten rreth orës 11:45 në autobusin e linjës 30 të Transportit Publik të Bazelit (BVB) nga shoferi i autobusit dhe një pasagjer.
Si pjesë e hetimeve të gjera, policia kriminale e zyrës së prokurorit publik ka arritur të arrestonte autorin e dyshuar, ka njoftuar të shtunën zyra e prokurorit publik në Basel-Stadt, transmeton albinfo.ch.
I dyshuari, një kosovar 29-vjeçar, do të sillet në gjykatën e masave të detyrueshme.
Hetimet e mëparshme kanë treguar se 47-vjeçari i plagosur kishte arritur të shkonte në stacionin e afërm të autobusit. Aty ai ka hipur në autobus dhe donte të shkonte në spital.
Ecuria e ngjarjes dhe arsyeja e konfrontimit të dhunshëm ende nuk janë sqaruar dhe janë objekt i hetimeve nga policia kriminale, përcjell albinfo.ch. Policia po kërkon dëshmitarë.
Bazel: Arrestohet kosovari i dyshuar për plagosjen në autobus
