Bayerni kërkoi shumë para për Shaqirin

Bayern Munichu kërkoi shumë para për Xherdan Shaqirin gjatë verës. Gjiganti bavarez insistoi se mesfushori kosovar nuk ishte në shitje, por mediat e huaja kanë zbuluar se 22-vjeçari mund të largohej nga “Allianz Arena”, por që kampioni gjerman kërkoi shumë para për të.

Njëri ndër ekipet që e kërkonte përfaqësuesin zviceran ishte Interi. Mirëpo, sipas mediave italiane, gjiganti gjerman i kërkonte 5 milionë euro për huazimin e Shaqirit për një sezon, pa të drejtë blerjeje përfundimtare.

Në fund, Bayerni vendosi ta mbajë futbollistin, të cilin njëherësh e kërkonte edhe Liverpooli. Shaqiri ka kontratë me Bayernin deri në vitin 2016, por uebfaqja “ilsussidiario.net” shkruan se klubet e njohura evropiane do t’i “vërsulen” sërish gjatë dimrit futbollistit gjilanas.