Bastisje për narkotikë dhe armë në Gjilan e Kamenicë

Gjilan – Është arrestuar i dyshuari mashkull shqiptar, tek i cili gjatë kontrollit janë gjetur dhe janë konfiskuar substanca të dyshuara narkotike të llojit marihuanë në peshë 47.2 gramë. Me urdhër të prokurorit, i dyshuari pas intervistimit është liruar në procedurë të rregullt.

Edhe në Kamenicë raportohet se gjatë kontrollit në veturën e të dyshuarit mashkull shqiptar është gjetur dhe është konfiskuar një pistoletë me një karikator të mbushur me 17 fishekë, për të cilën armë i dyshuari posedon leje për mbajtje e jo për bartje. Me urdhër të prokurorit rasti procedohet në prokurori në procedurë të rregullt njoftoi policia e Kosovës./rajonipress/