Bastisje në gjashtë lokacione, arrestohen gjashtë të dyshuar për vjedhje të rënda

Gjilan – Me urdhëresa të Gjykatës Themelore janë realizuar gjashtë bastisje në lokacione të ndryshme në shtëpi të të dyshuarve në Gjilan. Policia e Kosovës, njësiti i hetimeve të stacionit policor të Gjilanit fillimisht ka arrestuar gjithsej gjashtë persona si të dyshuar të mundshëm. Pas intervistimit dy nga ta me vendim të prokurorit të shtetit janë ndaluar në qendrën e mbajtjes për 48 orë nën dyshimin e arsyeshëm se kanë kryer veprat penale të ‘vjedhjes së rëndë’ në raste të ndara, gjersa ndaj të tjerëve vazhdohet me procedurë të rregullt tha Ismet Hashani.

Ismet Hashani zëdhënës i policisë tha se i dyshuari B.H. është arrestuar nën dyshimin se i njëjti sistematikisht ka kryer vjedhje nëpër shtëpi të ndryshme në komunën e Gjilanit.

Gjatë bastisjes në shtëpinë e tij janë gjetur dhe konfiskuar disa prova materiale të cilat e lidhin të dyshuarin me veprat penale si ‘vjedhje e rëndë’, po ashtu janë gjetur edhe gjësende me të cilat besohet se i kanë ndihmuar në kryerjen e veprave si: maskë për mbulimin e fytyrës, kaçavida dhe shufra të ndryshme për hapje të dyerve dhe dritareve etj.

Rastet e kompletuara do të dërgohen në gjykatë./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).