Bastiset shtëpia e një serbi, konfiskohet armë e municion

Gjilan – Policia e Kosovës stacioni policor në Ranilluk ka kryer një bastisje te i dyshuari serb shtetas i Kosovës në Fshati Gllogovc, komuna Ranilluk, në bazë të Urdhëresës të lëshuar nga Gjykata Themelore në Gjilan.

Gjatë bastisjes është gjetur :
• Një pushkë gjysmë automatike 7.62, dhe katër (4) copë fishek të kësaj pushke ,
• Një pushkë gjuetie të llojit Bokerica 12,MADE IN USSR
• 32 copë fishek të pushkës së gjuetisë 12 mm dhe
• 5 copë fishek për pushkë gjuetisë 16 mm.
• Tri (3) thika të mëdhaja të kasapëve,
• Nje (1) thikë bajonetë,
• Një maskë mbrojtëse nga gazi ,
• Një jelek të gjuetisë për mbajtje të municionit,
• Tre rrypa për mbajtje të municionit dhe pajisje për pastrimin e armëve
• Një brisk që hapet dhe mbyllet.

Pasi i lartcekuri nuk kishte leje për mbajtje të këtyre armeve dhe pajisjeve të gjitha këto janë konfiskuar nga ana e Policisë së Kosovës. I dyshimti është sjell në stacion për procedurë të mëtutjeshme.

Në lidhje me rastin është përpiluar një raport mbi bastisjen e shtëpisë dhe objekteve përcjellëse i cili është dorëzuar në prokurori. Prokurori është njoftuar lidhur me rastin dhe nga i njëjti është urdhëruar që rasti të kualifikohet si “Armëmbajtje pa leje”, ndërsa procedohet në procedurë të rregullt në gjykatë njoftoj Ismet Hashani./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).