Bastiset një shtëpi në Zhegër, policia konfiskon armë e municion

Gjilan – Policia e Kosovës, Njësiti i Hetimeve nga stacioni policor i Gjilanit, me urdhëresë të Gjykatës themelore, kanë bastisur shtëpinë dhe objektet përcjellëse të të dyshuarit shqiptar, me dyshim se i njëjti posedon armë të zjarrit. Urdhëresa lidhet me rastin e më hershëm “Lëndim i lehte trupor”.

Gjatë bastisjes në shtëpinë e vëllait të tij, i cili jeton jashtë vendit, në një bodrum është gjetur dhe konfiskuar nga policia: një pistolete “EKOL Jackal Dual”, një karikator, me 29 copë fishekë te kalibrit 9mm, tre karikatorë të zbrazët të pushkës automatike AK-47, 10 copë fishek të kalibrit 7.62 mm, ndërsa në shtëpinë e prindit të tij në ballkon është gjetur një fishek i kalibrit 7.62, të gjitha këto dëshmi besohet se janë pronë e të dyshimtit të këtij rasti.

Rasti procedohet në njësitin e hetimeve për hetim të mëtejmë njoftoj Ismet Hashani./rajonipress/