Bastiset një shtëpi në Gjilan, policia konfiskon armë e municion

Gjilan – Policia e Kosovës, Njësia e hetimeve e stacionit Policor Jugu-Prishtinë gjatë hetimit të një rasti kishin siguruar informata të qëndrueshme se i dyshuari Shqiptar shtetas i Kosovës me banim në Gjilan posedon armë zjarri. Pasi ishte siguruar urdhri për bastisje nga Gjykata Themelore në Prishtinë, hetuesit policorë nga Prishtina me asistencën e zyrtarëve policorë nga Gjilani, kanë realizuar bastisje në shtëpinë e të dyshuarit. Gjatë kontrollit në bagazhin e veturës (pronë e të dyshuarit) janë gjetur dhe konfiskuar armët e zjarrit si: Pushke automatike A47, së bashku me një karikatorë pa fishek si dhe një Pistoletë “Ekol special 99” , me një karikatorë dhe pesëmbëdhjetë (15) copë Fishek kalibrit 7.65 mm.

I dyshuari fillimisht është arrestuar nga policia, ai është intervistuar në Stacionin Policor në Gjilan. Lënda me vendim të Prokurorit të Shtetit procedohet në Gjykatë njoftoj Ismet Hashani./rajonipress/