Bastisen tri lokale në Gjilan, dyshohet se kanë ushtruar lojëra fati në mënyrë të kundërligjshme

Gjilan – Policia e Kosovës përmes rrugëve Operative ka pranuar informata se në Gjilan, në tri lokacione të ndara është duke u bërë organizimi i lojërave të fatit. Gjatë bastisjes në tri lokale janë gjetur prova të pakontestueshme se brenda këtyre lokaleve janë organizuar veprimtari të kundërligjshme-lojëra të fatit.

Lidhur me këto informata është njoftuar Prokuroria e Shtetit me autorizimin e së cilës është realizuar njëkohësisht bastisje në të tri lokacionet e dyshuara.

Gjatë bastisjes në tri lokale janë gjetur prova të pakontestueshme se brenda këtyre lokaleve janë organizuar veprimtari të kundërligjshme-lojëra të fatit.

Gjatë bastisjes në cilësi të provave janë konfiskuar dy aparate të lojërave, shtëpiza kompjuterike, TV-plazma, shtypës të tiketave etj.

Në lidhje me këtë në cilësinë e të dyshuarve janë arrestuar dy persona dhe gjatë intervistës me ta është vërtetuar se janë pronar të lokaleve përkatëse.

Me vendim të Prokurorit dy të dyshuarit janë ndaluar në mbajtje për 48 orë. Rasti procedohet PTH njoftoi Ismet Hashani./rajonipress/