Basketbollistët e RC Cola Dritës në Palestrën “Bashkim Selishta-Petriti” në Gjilan, kanë ngadhënjyer ndaj rivalit të saj Istogut në ndeshjen e parë të Playoff-it.
“Bardhekaltërtit” ishin në katër çerekët shumë më të mirë se kundërshtari i tyre Istogu, duke na bërë të qartë se RC Cola Drita pas 7 vitesh po i rikthehet Superligës së Kosovës.
Gjatë katër qerekve basketbollistët e RC Cola Dritës me lojë të pjekur e me kundërsulme të shpejta të prirë nga Mehmeti, Jakupi, Demi Shala e Xsavier nga çdo pozitë e “bombarduan” koshin e mysafireve.
Në disa momente të ndeshjes basketbollistët e RC Cola Dritës arritën edhe mbi 22 pikë diferencë, por nga vetëkënaqësia disa herë basketbollistët e Istogut arrinin ta zbusnin epërsinë edhe gjerë në 5 pikë.
Më të dalluarit tek RC Cola Drita ishin Mehmeti me 18 pikë, Xsavier 15 pikë, Jakupi 15 pikë, ndërsa tek mysafirët më i dalluari ishte Juniku me 25 pikë e Pepaj me 18pikë.
Finalja e dytë zhvillohet në Istog, ndërsa se cila skuadër i shënon dy fitore inkuadrohet në Superligën e Kosovës në Basketboll.
Rezultati:
Çereku i parë 26:19
Çereku i dytë 21:20
Çereku i tretë 17:16
Çereku i katërt 28:19
Rezultati përfundimtar:
RC Cola Drita 92:74 Istogu
