Basketbollistët e RC Cola Dritës arrijnë në finale të “Play Off”

Basketbollistët e RC Cola Dritës edhe në ndeshjen e dytë gjysmëfinale kanë arritur ta mposhtin skuadrën nga kryeqendra Margona Hill me rezultat 69:89.

Për dallim nga ndeshja e kaluar basketbollistët e Dritës në këtë ballafaqim ishin më të vëmendshëm duke mos ju dhënë asnjë mundësi kundërshtarit të shpallet fitues.

Në radhët e “bardhekaltërve” të RC Cola Dritës gjithçka ka funksionuar siç është më së miri e në veçanti në repartin defansivë ku u dalluan Xzavier Barmore, Arian Mehmeti e Rinor Ahmeti.

Në radhët e RC Cola Dritës më i dalluari ishte Xzavier Barmore me 23 pikë të shënuara, 1 kërcim e 5 asistime, Bardh Jakupi ka shënuar 17 pikë, 6 kërcime e 2 asistime, ndërsa Arian Mehmeti ka shënuar 15 pikë 9 kërcime e 5 asistime.

Në radhët e Marigona Hill më i dalluari ishte Arbnor Haliti me 17 pikë, Drilon Shala me 13 pikë e Eliot Peci me 10 pikë.

Në ndeshjen finale RC Cola Drita do të ballafaqohet me fituesin e ndeshjes AS Prishtina-Istogu. Fituesi i kësaj finale inkuadrohet drejtpërdrejt në Superligën e Kosovës në basketboll, ndërsa humbi do ta zhvillon ndeshjen me Trepçën në “Play Out”./rajonipress/