Gjilan- Bashkim Isufi është zgjedhur në këtë pozitë me aklamacion derisa ka theksuar se do të mbrojë të drejtat e punëtorëve, nëse ato shkelen nga eprorët e tyre.
Tashmë edhe shërbyesit civil të Komunës së Gjilanit janë bërë me udhëheqje të re dhe me sindikatën e tyre e cila synim ka mbrojtjen e të drejtave të punëtorëve në punë. Në Kuvendin e parë zgjedhor të sindikatës së shërbyesve civil të Kosovës për Komunën e Gjilanit është zgjedhur kryesia e re me aklamacion, derisa kryetar i saj është zgjedhur Bashkim Isufi.
Mursel Zymberi kryetar i SSHCK në nivel Kosove ka përgëzuar shërbyesit civil në Gjilan dhe ka kërkuar prej tyre që të jenë më aktiv duke denoncuar të gjitha padrejtësitë eventuale që u bëhen në punë.
Delegatët e këtij kuvendi kanë zgjedhur edhe këshillin drejtues prej 21 anëtarëve , kryesin e re dhe kryetarin.
Bashkim Isufi kryetar i sapozgjedhur tha për rajonipress se ky post i jep vetëm përgjegjësi. “Do të përpiqem që të mbrojë të drejtat e punëtorëve në qoftëse ato të drejta u shkelen nga eprorët e tyre. Por të drejtat e punëtorëve dhe respektimi i tyre nuk mund të mbrohen nëse nga Sindikata, nëse shërbyesit civil heshtin dhe nuk i paraqesin rastet” ka thënë Isufi.
Isufi ka inkurajuar shërbyesit civil komunal në Gjilan që të kenë guximin dhe të paraqesin rastet e shkeljes së të drejtave të tyre sepse kjo është rruga e vetme e bashkëpunimit ./rajonipress/
