Bashkëveprimtarët përkujtojnë Fahri e Bari Fazliun

Gjilan – Në fshatin Lauzhë të Besianës janë përkujtuar Fahri dhe Bahri Fazliu ish bashkëveprimtar të Afrim Zhitisë i cili është vrarë në vitin 1989 nga forcat e armatosura serbe.

Gjatë akademisë përkujtimore e cila është mbajtur para varreve të dy vëllezërve njëri i vrarë në vitin 1989 dhe tjetri 8 vite më pas kanë folur disa bashkëveprimtarë në mesin e të cilëve ishte edhe Abdyl Bajrami nga Vërbani i Vitisë.

Me këtë rast Bajrami çmoj lartë kontributin e tyre të dhënë për atdheun duke shtuar se për të është nder dhe përgjegjësi që të flas për veprën e Fahri dhe Bahri Fazlisë.
“Të ju drejtohem juve pjesëmarrës në këtë vend është shumë nder, dhe kënaqësi e jashtëzakonshme,,por në anën tjetër është përgjegjësi e madhe për fjalët e thëna. Para nesh janë varret të cilat pushojnë eshtrat e dy kolosëve të çështjes kombëtare,dy veprimtarëve të mëdhenj ,të cilët me vepra dhanë orientimin dhe kahen në rrugën e çlirimit e bashkimit kombëtar” u shpreh Bajrami.

Ai gjithashtu ka folur edhe për veprimtarit e atdhetarëve të viteve 80-ta duke theksuar se kanë qenë i një rëndësie të veçantë. “Vitet e tetëdhjeta janë të mbushura me plotë ngjarje në veprimtarinë kombëtare çlirimtare .Të gjitha kanë rëndësinë e vet , por dy ngjarje kanë dimension të veçantë, ato me plotë meritë do të hynë në kujtesën e historinë kombëtare të popullit shqiptar. Ngjarja e 11 janarit 1984 në Prishtinë , kur u vranë udhëheqësit e ilegales Rexhep Mala e Nuhi Berisha , dhe 2 nëntori 1989, edhe këta në Prishtinë , kur vriten udhëheqësit Fahriu dhe Afrimi” u shpreh Bajrami.

Më pas janë bërë homazhe në varrezat e tyre si dhe para të pranishmeve është shfaqur një program artistik nga nxënësit e kësaj shkolle./rajonipress/