Basha vlerëson besimin e trajnerit

Mesfushori kosovar Migjen Basha shpreson t’ia shpaguajë me lojëra të mira besimin që ka në të trajneri i Torinos, Giampiero Ventura.

Basha ka thënë se e rëndësishme është që ka kaluar problemet me lëndime dhe se do të koncentrohet edhe më shumë gjatë stërvitjeve për të kontribuuar në lojën e skuadrës. “E rëndësishme është që e kam tejkaluar pa ndonjë problem të madh lëndimin në këmbë. Trajneri ka shumë respekt për mua dhe unë duhet të punoj për t’ia shpërblyer besimin e tij”, ka thënë Basha për mediumet italiane.