Basha po shkëlqen me Barin, klubi italian i ofron rinovimin e kontratës
RajoniPress
20:54, 15 Shkurt, 2018
Mesfushori shqiptar, Migjen Basha është duke shkëlqyer në Serie B.
Edhe pse vite më parë vuante nga lëndimet e shpeshta, tani Basha i ka harruar ato dhe është bërë lider i Barit.
Skuadra bardh e kuqe që udhëhiqet nga Fabio Groso po kërkon rikthimin në Serie A.
Bashës iu është besuar shiriti i kapitenit dhe me plot sukses po e udhëheq Barin.
Në 18 ndeshjet e luajtura, Basha 17 prej tyre ka qenë titullar ndërsa ka shënuar edhe dy gola.
Sipas medieve italiane klubi është duke menduar për rinovimin e kontratës.
Kontrata aktuale e Bashës me Barin skadon në fund të këtij edicioni.
Si lojtari ashtu edhe klubi janë dakord për vazhdimin e bashkëpunimit dhe kontrata e re pritet të jetë dy vjeçare.
Bari aktualisht zë pozitën e pestë në tabelë me 38 pikë të tubuara. /Telegrafi/
