Basha largohet nga Torino
RajoniPress
11:04, 4 Qershor, 2015
Aventura e Migjen Bashës te Torino është drejt fundit dhe nuk pritet të vazhdoj më.Mesfushori i Kombëtares së Shqipërisë, Migjen Basha është drejt fundit të kontratës e cila i skadon më 30 qershor dhe nuk pritet të rinovohet nga Torino.
Sipas medieve italiane më saktësisht ‘Toronews’, Basha dhe Torino do t’i ndajnë rrugët për të gjetur klubi italian një zëvendësues të tij, ndërsa Basha është në kërkim të një skuadre.
28-vjeçari ishte afër largimit edhe gjatë muajit janar por në fund vendosi të qëndroj, ndërsa për të interesim ka nga disa skuadra zvicerane por edhe italiane.
Bologna, Frosinone, Carpi, Young Boys Bern, Sion dhe Grasshoppers janë skuadrat që po interesohen për anëtarin e Kombëtares së Shqipërisë. /Telegrafi/
