Basha largohet nga Torino

Mesfushori i Kombëtares shqiptare, Migjen Basha, me shumë mundësi, do të largohet nga Torino.

Lajmin e konfirmojnë mediat italiane, të cilët saktësojnë se trajneri Ventura nuk po i jep garanci për aktivizimin kosovarit.

“Mesfushori ka marrë disa oferta nga klube zvicerane dhe mund të lërë Torinon. Lojtari ka kërkuar më shumë minuta në dispozicion, por trajneri Ventura nuk i ka dhënë garanci. Prandaj Basha, me shumë mundësi, do të shikojë për një skuadër të re, edhe pse nuk ka gjë të sigurt. Gjithsesi, Torino është në kërkim të ish-mesfushorit të Milanit, Nocerino, dhe nëse vjen ky i fundit, kosovari do të largohet”, shkruante dje “toro.it”, uebsajti italian pranë ekipit “granata”.