Bash thellësisht

Poezi nga Demush Mehmeti

Ditëve me diell kur rreze drite e mbulojnë qiellin
Flakë ari shkëlqejnë
Poeti me muzë shiu, çka bën
Vazhdon me mund
Apo heshtë
Frymëzimin si e gjen

Ditëve kur qiellin e mbulojnë retë, skëterrë
Poeti me muzë dielli si dhezë
Digjet në zjarr shpirti
Ruan freskinë jetë
I këndon dashurisë
Dritë e mendjes i shkëlqen

Mjeshtri i fjalës, fjalën e gjen në çdo kohë
Shfaqë gjitha dhimbjet, lumturin
Shpërthen shkoqur
Shpalos kujtimet
Zbërthen gjithë idealin
Krejt qartë, siç dinë, thjesht, bash thellësisht