Barrikada ‘dhunon’ dialogun

Kryeministri i Republikës së Kosovës Hashim Thaçi dhe ai i Serbisë vica Daçiq nuk e kanë më problem takimin me njëri tjetrin. Të dy kryeministrat kanë arritur një marrëveshje 15 që është vlerësuar si historike. Aty përfshihet edhe lëvizja e lirë, por ata nuk po pajtohen për heqjen e barrikadës mbi lumin Ibër.

Barrikada që e bënë Mitrovicën qytetin e vetëm të ndarë në Evropë, me propozim të diplomatëve ndërkombëtarë qe menduar të hiqej në mënyrë simbolike nga të dy kryeministrat. Por edhe pas dhjetëra takimesh të përbashkëta Thaçi e Daçiq, nuk janë marrë vesh për këtë veprim simbolik që do të bashkonte qytetin.

Përfaqësues të partive politike në Kosovë vlerësojnë se pa heqjen e barrikadës procesi i normalizimit të marrëdhënieve është i pamundur, derisa presin që heqja e saj të jetë pikënisja e zbatimit të marrëveshjes së Brukselit.(Tribuna)

Shpërndaje.
© RAJONIPRESS