Barcelona kërkon Mustafin, Valencia ia vendos çmimin
Barcelona është vënë sërish pas mbrojtësit shqiptar Shkodran Mustafi.
Mbrojtësi i Barcelonës Thomas Vermaelen është lënduar në ndeshjen e fundit kundër Atletico Madridit dhe nuk dihet ende se sa gjatë do të mungoj.
Fichajes.net shkruan se trajneri i Barcelonës, Luis Enrique dëshiron që në janar të përforcohet me një qendërmbrojtës dhe qysh tashmë e ka zëvendësuesin e Vermaelenit.
Bëhet fjalë për qendërmbrojtësin shqiptar të Valencias, Shkodran Mustafi, i cili po vazhdon të shkëlqej në La Liga edhe këtë edicion dhe ka një klauzolë prej 50 milionë eurosh.
Barcelona e kishte kërkuar Mustafin edhe gjatë kësaj vere, por Valencia nuk vendosi ta shiste, pasi nga skuadra u largua Nicolas Otamendi, i cili për 45 milionë euro u transferua në Manchester City.
Kujtojmë se Mustafi ka kontratë me Valencian deri në vitin 2019. /Express