Eko Higjiena

Banorët në rrugën “Hivzi Sylejmani” në Gjilan, në hall nga kundërmimi i ujërave të zeza

/ 2 minuta lexim
Mobi Casa

Gjilan – Banorët nga rruga “Hivzi Sylejmani” që lidhet prej rrugës së Ferizait me rrugën e Kumanovës janë në hall të madh nga kundërmimi i i ujërave të zeza. Edhe ne jemi lagje e qytetit dhe paguajmë taksa e tatime komunale, por askush nuk na ka vizituar shprehet Agon Sadriu banor në këtë lagje.

Banorët bëjnë apel tek organet komunale që mos ta neglizhojnë këtë kërkesë të tyre e cila donë zgjidhje urgjente.

Agon Sadriu thotë se na është vështirësuar jeta për shkak të kundërmimit të ujërave të zeza, në njërën anë dhe nga ngarkesa e komunikacionit, ku behet vozitje e pa kontrolluar gjë që paraqet rrezik për fëmijët dhe kalimtaret e tjerë.

Mobi Casa

“Ne kemi bërë kërkesa edhe më herët në institucionet komunale, po të gjitha kanë hasur në vesh të shurdhër. Do të ishte e padrejtë që në këto kushte ekstreme, ku era e rëndë ta zënë frymën, komuna të hesht e të pajtohet me këtë situatë shumë të rëndë për banorët” shprehet Agoni.

Agoni thotë se edhe kjo lagje është pjesë e Komunës së Gjilanit.

“Ne jemi pjesë e qytetit dhe jo e ndonjë komune tjetër. Është lagje e urbanizuar dhe tani edhe rruga e Kumanovës e ka rritur vlerën, por kushtet për të jetuar janë të papërshtatshme” shprehet ai./rajonipress/