Banorët e Pozheranit, të shqetësuar me dëmtimin e pronës publike

Viti – Dëmtimi i pronës publike është bërë dukuri në rritje, bizneset private në fshatin Pozheran,të Komunës së Vitisë, për nevoja të veta personale, po e dëmtojnë pronën publike pa e pyetur askënd, në këtë rast po i dëmtojnë shtyllat e ndriçimit publik të fshatit, kur dihet mirë se këtë investim e ka bërë Komuna e Vitisë, apo më mirë të themi institucionet tona Komunale thuhet në reagimin e EVSB-së.

Sipas dëshmitarëve të fshatit, shtyllat e ndriçimit publik po largohen(hjeken) nga vendi pa lejen e askujt, edhe atë në pikë të ditës. Ky është rasti i tretë (3) , brenda dy (2)muajve, dhe askush nga organet gjegjëse nuk merr masa.

Përpos dëmtimit të shtyllave ndriçuese publike, ato merren nga iks persona dhe kurrë më nuk rikthehen në vendin e tyre, thuhet në reagimin e qytetarëve.

Kjo problematikë shihet me mjaft shqetësim nga banorët e fshatit Pozheran, të cilët kërkojnë që të merren masa për mbrojtjen e pronës publike, si dhe riparimin e dëmeve që janë shkaktuar.

EVSB, falënderon të gjithë qytetarët që bashkëpunojnë me EVSB, dhe raportojnë raste të dukurive negative. EVSB, publikon dhe fotot nga vendngjarja, ku shihen shtyllat e dëmtuara.

EVSB, fton organet gjegjëse që të marrin masat e menjëhershme dhe tu shqiptohen gjobat, ndaj gjithë atyre qytetarëve që veprojnë njëanshëm në mënyrë të jashtëligjshme dhe dëmtojnë pronën publike, siç është rasti i lart cekur, ku dëmtohen shtyllat e ndriçimit publik në qendër të fshatit Pozheran thuhet në reagimin e koordinatorit të EVSB-së, për Komunën e Vitisë, Imri Emërllahu./rajonipress/