Banorët e Përlepnicës marrin iniciativë, për ndërtimin e shtëpisë një qytetari nga Lugina e Preshevës

Gjilan – Banorët e fshatit Përlepnicë kanë marr iniciativë për t`i ndërtuar një shtëpi një qytetari nga Lugina e Preshevës i cili është duke jetuar në Gjilan me qera.

Familja Fazliu 4 anëtarësh gjendjen shëndetësore dhe financiare thuajse e ka të rrënuar, kryefamiljari Latifi nuk ka mundësi të punoj punë të rënda fizike për shkak të problemeve shëndetësore. Gruaja e Latifit gjithashtu i ka edhe më të mëdha problemet shëndetësore dhe trajtohet me terapi të vazhdueshme dhe të kushtueshme, gjithashtu edhe djali i vogël është diagnostifikuar me diabet që nga fëmijëria dhe trajtohet me terapi.

Përlepnicasit i kanë siguruar familjes Fazliu një truall dhe tani kanë filluar mbledhjen e fondeve për të filluar ndërtimin e saj, andaj kanë bërë thirrje gjithë njerëzve të vullnetit të mirë që t’i ndihmojnë që edhe kjo familje të ketë një kulm mbi kokë.

Ja postimi i plotë:

Thirrje për solidaritet:

Të nderuar dhe shumë të respektuar bashkëvendës dhe njerëz të vullnetit të mirë.

Po ju drejtohemi me një apel juve bashkëvendës sidomos nga diaspora dhe gjithë juve kudo që jeni, që si shumë herave tjera në të kaluarën, sot t’i ndihmojmë familjes së LATIF FAZLIUT. (Familja e L. Fazliut është nga lugina e Preshevës dhe që nga lufta jeton në Përlepnicë.

Në 2019 është dashur ta liroj shtëpinë ku banonte dhe tani jeton me qera në Gjilan) Kjo familje 4 anëtarëshe gjendjen shëndetësore dhe financiare thuajse e ka të rrenuar.

Kryefamiljari Latifi nuk ka mundësi të punoj punë të rënda fizike për shkak të problemeve shëndetësore. Gruaja e Latifit gjithashtu i ka edhe më të mëdhe problemet shëndetësore dhe trajtohet me terapi të vazhdueshme dhe të kushtueshme.

Gjithashtu edhe djali i vogël është diagnostifikuar me diabet që nga fëmijëria dhe trajtohet me terapi. Duke u nisur nga nevoja për t’i dalë në ndihmë kësaj familje kemi nisur aksionin për të themeluar nji fond për t’i ndërtuar një shtëpi familja FAZLIU.

Një falënderim i veçantë shkon për bashkëvendësin tonë nga Zvicrra Fahredin MEHMETI i cili ka dhuruar trollin për familjen FAZLIU.

Ju lutemi ta ndihmojmë këtë familje që mundësisht para dimrit ta bëjmë me shtëpi. Një ndihmë modeste e juaja do të ja kthejë shpresën e humbur dhe një jetë normale fam. Fazliu. Me emër të Zotit dhe me ndihmën tuaj do të ja dalim.
Për çdo informatë të interesuarit mundë të kontaktojnë në këta nr: Bejtullah OSMANI 045 667 250 dhe
Fidan SHAQIRI 044 771 175.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).