Banorët e Muhocit nuk u besojnë politikanëve, i hapin vet rrugët e bllokuara nga bora
Selami Bajrami aktivist nga fshati Muhoc thotë se Nagip Arifi ishte për të kërkuar votën në Muhoc, ndërsa ishin njerëzit e vullnetit të mirë ata që e hapën rrugën e bllokuar nga bora. Behar Tahiri nga Komuna e Bujanocit me vetë kontribut ka hapur rrugën në Muhoc.
Banorët e fshatit Muhoc të Bujanocut janë të indinjuar me politikanët e tyre, aq më parë kur ata në kohë të fushatës shkojnë dhe ua kërkojnë votën.
Selami Bajrami aktivist nga ky fshat tha se është i revoltuar me veprimin e Nagip Arifit i cili asnjëherë nuk u doli në ndihmë banorëve të kësaj zone.”Nagip Arifi ishte në pushtet për shumë vite, por asnjë të mirë nuk e solli për këtë anë. Është e habitshme se si ka fytyrë Nagip Arifi për të kërkuar votën, kur rruga e fshatit ishte tërësisht e bllokuar nga bora dhe u deshtë të intervenojë Behar Tahiri nga Bujanoci për të hapur rrugët në fshatrat e Malësisë së Bujanocit” u shpreh Selami Bajrami./rajonipress/