Banorët e Drobeshit me aksion vullnetar për pastrimin e fshatit

Viti – Gjatë këtij muaji në Komunën e Vitisë janë duke u zhvilluar aksione të shumta vullnetare të pastrimit dhe atë pasi që kjo komunë e ka shpallur muajin prill si muaj të ambientit.

Me këtë rast dje në fshatin Drobesh të Vitisë, është zhvilluar një aksion i pastrimit. Ky aksion është përkrahur nga Komuna e Vitisë, në bashkëpunim me këshillin e këtij fshatit ku banorët e këtij lokaliteti kanë pastruar ambientin brenda fshatit.

Ndërkaq aktivitete të tilla të pastrimit ka pasur edhe gjatë fundjavës si në fshatin Goshicë, por edhe për skaj të lumit “Morava e Binqës”./rajonipress/