Banorët e Berivojcës dhe Busavatës paraqesin kërkesat për investime në dëgjimet buxhetore

Kamenicë – Komuna e Kamenicës ka vazhduar ciklin e dëgjimeve buxhetore me banorët e fshatrave Berivojcë dhe Busavatë, në kuadër të përgatitjeve për hartimin e buxhetit komunal për vitin 2027.

Qëllimi i këtyre takimeve është mbledhja e propozimeve dhe kërkesave të qytetarëve, të cilat do të shqyrtohen gjatë përpilimit të listës së projekteve që planifikohet të realizohen gjatë vitit të ardhshëm.

Në dëgjimin e mbajtur në Berivojcë morën pjesë drejtorët Burbuqe Leka dhe Blerim Murina, së bashku me zyrtarë të tjerë komunalë, ndërsa në Busavatë i pranishëm ishte drejtori Blerim Murina me bashkëpunëtorë.

Gjatë të dy takimeve, drejtoresha e Buxhetit dhe Financave, Dërmaku, prezantoi planifikimin buxhetor për vitin 2027, duke informuar qytetarët edhe për shumën e paraparë për investime kapitale dhe rëndësinë e përfshirjes së komunitetit në përcaktimin e prioriteteve zhvillimore.

Nga Komuna e Kamenicës bëhet e ditur se dëgjimet buxhetore do të vazhdojnë edhe në lokalitetet e tjera, me synim që buxheti i vitit 2027 të reflektojë sa më shumë nevojat dhe prioritetet e qytetarëve./rajonipress/