Bankat nuk duan para!

Bankat në Kosovë nuk kanë nevojë për para. Ato kanë aq para sa që nuk janë të interesuara t’i rrisin depozitat. Madje ato kanë ulur normën mesatare të interesit për depozita në muajin maj në 0,6 për qind nga 3.4 për qind sa ishin vitin e kaluar.

Megjithatë rënie të madhe nuk kanë shënuar edhe normat e interesit për kredi. Sipas raportit të BQK-së norma mesatare e interesit e kredive për ekonomi familjare është 10.1 për qind, përderisa për kreditë për ndërmarrje 10.6 për qind. Sipas raportit dallimi i normës kredi-depozita është 9.9 për qind.

Pavarësisht kësaj, depozitat e qytetarëve në bankat e vendit vazhdojnë të jenë të larta. Vlera e depozitave në banka ka arrit në 2 miliardë e 280 milionë euro, përderisa vlera e kredive në 1 miliard e 856 milionë euro…(Tribuna).