Banja e Sjarinës këtë verë pret më shumë turistë

Medvegjë – Dje ka mbaruar panairi ndërkombëtar i turizmit në Beograd me slloganin “Shfrytëzoje rastin” që këtë vit ka tubuar rreth 1100 prezantues nga 50 vende të botës. Komuna e Medvegjës është prezantuar nga Organizata turistike dhe Qendra për rehabilitim nga Banja e Sjarinës.

Medvegja ka prezantuar potencialet e saj turistike, me fokus të veçantë në ujërat minerale dhe termale në Banjë të Sjarinës.

Sipas prezantuesve të komunës sonë, si rezultat i pjesëmarrjes në këtë panair, këtë vit pritet të rritet numri i turistëve në Medvegjë.

Panairi i turizmit në Beograd konsiderohet si një ndër evenimentet më të madha turistike në Evropën Juglindore.(mepress.info)