Banja e Sijarinës

Nga Demir Krasniqi

Versioni i –I-rë

Në Kosovë verilindore ,
Buzë lumit të Jabllanicës ,
Plot me dhunti madhështore –
Shtrihet Banja e Sijarinës !

Mu në rrëzë maleve t’ Gollakut ,
Rreth e rreth kodra malore ,
S’ mundet kush me i dalë hakut –
Plot me bukuri përrallore !…

Bukuritë Banjës s’ Sijarinës –
Askush nuk ia ka qëndisë !
Gjithë stolitë n’ lug t’ Jabllanicës –
Janë dhuratë prej Perëndisë !

Rreth e rreth Banja e Sijarinës –
Është rrethuar me lisa të trashë !
As në malet e kodrinës –
Asi lisash kund nuk pashë !

E rrethuar n’ male me lisa ,
Nën komunën e Medvegjës …
Rreth e rreth kodra me pisha –
N’ mbrojtje t’ erërave dhe të mjegullës !

Atje n’ lug , nën ato male ,
Përbuzë lumit t’ Jabllanicës ,
Plot me ujëra minerale –
Shtrihet Banja e Sijarinës !

Këto ujëra plot ngrohtësi –
Dalin nga 18 burime !
Janë fiziko – kimike me dobi –
Ndihmojnë dukshëm për shërime !…

Gejzeri është fenomen ,
Rast unik është në Evropë !
Shoqin e tij nuk ia gjen –
Askurrkund nëpër këtë botë !

Uji i ngrohtë shpërthen përpjeta ,
Gurgullon çdo 10 minuta …
Arrin n’ lartësi prej 8 metra –
Ngrohtësi t’ këndshme sjell mbi trupa !…

Ndër faktorët kurative ,
Që këtu burojnë prore –
Është balta radioaktive
Me përmbajtje sulfurore !

Mysafirët n’ Banjë kur vinë –
Kanë lëvizje kreative ,
T’ gjithë kanë qasje në pishinë
Dhe aktivitete tjera sportive !…

Për rreth Banjës , vendi i gatshëm
Është kudo dhe për shtegti …
Ky vend është shumë i përshtatshëm –
Për të dalë për gjueti !…

N’ Jabllanicë – n’ lum kreativ ,
Ekzistojnë t’ gjitha mundësitë –
Për të bërë peshkim sportiv ,
Me kënaqësi me dalë çdo ditë !

Atraksion që ngjallë lezetet
Me bukuri t’ rrallë natyrore –
Paraqesin gjithmonë gejzerët ,
Që burojnë ujë të nxehtë prore !

Këta gejzerë me ujë t’ përhershëm ,
Janë të veçantë në Evropë !
Janë burime të pashtershëm ,
Me ujë të ngrohtë në atë gropë !

Gejzeri më i madh n’ Sijarinë ,
Që buron me ujëra t’ nxehta –
Drejt qiellit arrin lartësinë
Me shtypje deri n’ 8 metra !

Pranë gejzerit që ka Sijarina ,
Që neve fort na e ka ana –
Janë ndërtuar shumë pishina ,
Gjëra t’ bukura dhe fontana !…

Banja e bukur e Sijarinës ,
Është për ne sensacion !
Shtyllë e fortë e medicinës ,
Që shumë sëmundje i shëron !…

Entin e specializuar ,
E ka për rehabilitim .
Hotel “Gejzerin” e stabilizuar –
Për pushim e argëtim !

Versioni i – II- të

Banja e Sijarinës është vend tradicional –
Për turistë dhe të sëmurë me ujë medikal !
Vend për pushimore edhe për freski ,
Dhunti natyrore plot me bukuri !

Banja e Sijarinës , sa shumë na gëzon –
Është e dyta n’ botë , gejzer që posedon !
Ajo sjell për ne plot gëzim e hare –
Me “Gejzerin” natyrorë , pas Zelandës së Re !

Pas Zelandës së Re , e dyta n’ glob tokësorë –
Që e posedon “Gejzerin” natyrorë !
Banja e Sijarinës , pranë Diellit dhe rrezes –
Ka administrimin n’ komunë të Medvegjës !

Banja e Sijarinës , përveç me gejzera –
Ajo është e njohur me shumë gjëra tjera !
Prej t’ gjithë begative që i ka natyrale –
Veçohen burimet e ujërave minerale !

T’ përbërjes së llojllojshme fiziko – kimike ,
Ato kanë përbërje edhe terapike !
Banja e Sijarinës ka plot pasuri –
Me rrethim t’ natyrës plot me bukuri !

Të gjitha burimet e Banjës së Sijarinës –
Gjenden n’ anë të majtë të lumit t’ Jabllanicës !
Në zonën e mbrojtur që shtrihet n’ 3 hektarë –
Kjo hapësirë e vlefshme s’ peshohet me arë !

Për rreth Jabllanicës , nga këto toka t’ forta –
Banja e Sijarinës , ka burime t’ ftohta !
Burime hipotermale dhe homeotermale ,
Por , ka edhe ujëra që janë hipertermale !…

Përveç pasurive tjera natyrale ,
Kjo banjë posedon 18 burime minerale ,
Që kanë rrënjë t’ burimit t’ gjitha në këto male ,
Secila posedon karakteristikë individuale !

Të gjitha këto ujëra janë karakteristike –
Për shkak të përbërjeve fiziko – kimike !
T’ gjitha mund t’ përdorën për shërim fiskal –
Gjithnjë në kuadër t’ rehabilitimit medikal !

Të gjitha këto ujëra e kanë një ndikim –
Të cilat janë të dhëna për çdo burim !
Në mënyrë të veçantë do të kenë shërim –
Kështu pacientët do të kenë përmirësim !

Mu për këto suksese t’ shërimeve klinike –
Vërehet fluksi i madh i grupeve turistike ;
Të cilët çdo ditë e më shumë vizitojnë
Dhe në Banjë t’ Sijarinës pushimet i kalojnë !

Versioni i –III-të

Banja e Sijarinës është një lloj qyteze –
Vendbanim urban , ku lëshon Dielli rreze !
Është vend lakmitar me banjë termale –
N’ komunë të Medvegjës , shtrihet nën këto male !

N’ komunë të Medvegjës – Banja e Sijarinës ,
70 kilometra gjendet larg Prishtinës !
Pranë shtretërve t’ lumenjve t’ Banjës , Jabllanicës ,
Rrëzë maleve t’ Gollakut, Borocit dhe Sfircës …

Banja e Sijarinës është thellë në ngushticë –
Shtrihet n’ të dy anët e lumit Jabllanicë !
Me vegjetacion t’ bujshëm , bukuri t’ begatshme ,
Me klimë të përshtatshme dhe jetë të rehatshme !…

Banja është rrethuar nga çdo anë me male ,
Ka 18 burime të ujërave minerale ,
Me përbërje të ndryshme fiziko – kimike ,
Me rregulla mjekësore për shërime terapike !…

T’ gjitha këto burime që rrjedhin nën gurë –
Janë ujëra të ngrohta me temperaturë !
Prej 32 der’ n’ 72 gradë –
Shkon nxehtësia e ujit që rrjedh posi vadë !

Banja e Sijarinës – atraksion prore ,
Ajo ka bukuri të rralla natyrore !
Këto bukuri që nuk gjenden lehtë –
I paraqesin gejzerët me ujin e nxehtë !

Këtë pasuri që e ka kjo gropë –
Është shumë e veçantë nëpër mbarë Evropë !
Shtylla e ujit t’ Gejzerit me valët e nxehta –
E arrin lartësinë deri në 8 metra !

Valët e Gejzerit shpërndahen në çdo ana ,
Pranë tij janë ndërtua pishina e fontana !…
Banja e Sijarinës është banjë legjendare –
Ne na bënë krenarë se është n’ tokë shqiptare !

Gjilan, më 08.03.2018.

Demir Krasniqi