Ban Ki-moon kërkon hetim transparent ndaj ngjarjeve në Kumanovë

Sekretari i përgjithshëm i Kombeve të Bashkuara, Ban Ki-moon, sot ka bërë thirrje për kthim të qetësisë në Maqedoni, pasi nga dhuna janë vrarë 22 vetë, përfshirë 8 policë.

Ishte kjo dhuna më vdekjeprurëse në Maqedoni prej konfliktit etnik të vitit 2001, raporton AFP.

Në deklaratën e tij, Ban Ki-moon tha se ishte i alarmuar nga përleshjet në qytetin verior të Kumanovës dhe ka kërkuar nga të gjitha palët që të “bashkëpunojnë për ripërtëritjen e qetësisë dhe për hetim të plotë të ngjarjeve në mënyrë objektive dhe transparente”, transmeton rel.

Më tutje, ai ka kërkuar që të involvuarit të tregojnë “përmbajtje maksimale dhe t’i shmangen retorikës ose aksioneve që mund të përshkallëzojë në tensione të mëtejshme”