Ballkani me gjysmë force, mposht Gjilanin
Në javën e nëntë kampioni aktual Ballkani i Suharekës me lehtësi ka mposhtur me rezultat të pastër 2-0 SC Gjilanin i cili po kalon në një fazë tejet të vështirë.
Futbollistëve të SC Gjilanit nuk ju ka bërë aspak përshtypje apeli dhe kurajo e tifozëve Skiftera duke theksuar. “Nuk janë 11 lojtarë, jemi 12 luftëtarë e Luftoni për Skifterat, qysh për ty luftojna na”.
Edhe në këtë përballje u vërejt dukshëm se në radhët e SC Gjilanit mbretëron një krizë e thellë tek futbollistët gjatë 90 minutave futbollistët e Gjilanit në asnjë moment nuk rrezikuan portën e portierit Frashëri.
Angazhimi i futbollistëve të SC Gjilanit në fushë është për çdo kritikë në vend se të vrapojnë ata shëtitën në fushë duke luajtur shumë indiferent.
Golin e epërsisë “portokallinjët” e Ballkanit e shënuan në minutat e fundit të pjesës së parë Arbër Prekazi shënon autogol pas një topi të devijuar.
Në pjesën e dytë golin e qetësisë të kësaj ndeshje në minutën e 88 e shënon Meriton Korenica duke mposhtur me lehtësi portierin Enea Koliqin 2-0.
Me këtë fitore Ballkani zë pozitën e dytë me 18 pikë tri më pak se Drita e vendit të parë, por me dy ndeshje më pak të zhvilluara.
Gjilani mbetet në pozitën e tret me 14 pikë të mbledhura pas nëntë javësh./rajonipress/