Bajrush Ymeri viziton familjarët e Tefik Mustafës, jep informacione interesante për veprimtarinë e tij

Gjilan – Isha në vizitë te familja e Tefik Mustafës, i cili ditë më parë u arrestua nga organet serbe në vendkalimin kufitar në Merdarë. Tefikut dje në seancë gjyqësore në Beograd ju caktua masa e paraburgimit prej një muaji, që na ka habitë të gjithëve. Duke e njohur Tefikun dhe familjen e tij si një familje e ndershme, prita që Tefiku të lirohet dje me shpresë që e kanë ngatërruar me dikë, sepse ashtu siç jam i bindur në veten time që skam bërë asnjë krim, ashtu besojë fuqishëm që nuk e ka bërë as Tefiku kurrë në jetën e tij ka shkruar Bajrush Ymeri.

Postimi i plotë:

Kur dihet fakti që Tefiku ka migruar në Gjermani me 24 gusht të vitit 1997, dhe që nga atëherë e deri në vitin 2004 ai nuk ka qenë në Kosovë.

Tefikut i vdiq baba në vitin 2001, dhe nuk e pat atë mundësi me ardhë në varrim të prindit të tij. Pra për 7 vite nuk ka pas dokumentacione të rregulluara, dhe rrjedhimisht e ka pas edhe të pamundur me udhëtua.

Kur ju ofrua mundësia pas vitit 2004 erdhi. Dhe erdhi edhe nëpër territor të Serbisë shumë herë, sepse duke e ditë që nuk ka bë asgjë të keqe ai ka udhëtuar i lirë. Pra, asnjëherë sa herë ka udhëtuar më herët askush se ka ndaluar, e të shtunën e datës 1 qershor në orët e pasditës e arrestuan.

Kemi mbet të habitur të gjithë bashkëfshatarët e tij, kam mbetë i habitur edhe unë gjithashtu.
Duke i njoftë si familje, dhe duke e ditë që Tefiku gjatë asaj periudhe kohore që akuzohet nuk ka qenë në Kosovë, ne apelojmë te organet serbe që Tefiku të lirohet sa më shpejtë, sepse padrejtësisht është duke u mbajtë në paraburgim.

Apeloj te Kryetari i Komunës sonë që të ngrisë zërin te organet serbe, që Tefiku të lirohet menjëherë.

Apelojë te bashkëfshatarët tanë të mahallës së Stojkoviqe, që të ngritin zërin te organet e rendit të Serbisë, sepse ata e njohin mirë familjen e bacës Raif.

Apelojë edhe te shumë banorë të fshatrave për rreth, si Prekovc dhe Parallovë që të ngritin zërin ndaj kësaj padrejtësie që po i bëhet Tefikut dhe familjes së tij.

Me shpresë që ky apel i imi të dëgjohet, dhe Tefiku të lirohet, lutem që raste te tilla të mos na ndodhin më./rajonipress/